У выпадку павышэньня кошту шэнгенскай візы да 60 эўра беларускі бок ўсталюе адпаведныя стаўкі консульскіх збораў за выдачу візаў замежным грамадзянам.
Як адзначыў кіраўнік консульскага упраўлення МЗС Беларусі Васіль Жлутко, у гэтым пытаньні беларускі бок будзе зыходзіць з прынцыпу ўзаемнасьці. Праблему нельга вырашыць імгненна, бо кошт візаў узрасьце ў зьвязку з тым, што яны стануць біямэтрычнымі – менавіта такія візы выдае сёньня амбасада Францыі ў Менску. Беларускі бок мае намер і надалей праводзіць кансультацыі і ў Брусэлі, і непасрэдна двухбаковыя з краінамі Эўразьвязу.
Пакуль вядома, што ад пачатку наступнага году суседзі Беларусі – Літва, Латвія й Польшча – не павялічваюць кошту візаў для беларусаў.
0
0
0
0
0
0
