1 ліпеня ў Беларусі знізілася экспартная пошліна на нафту 3

1 ліпеня стаўка вывазной мытнай пошліны на тону сырой нафты знізілася на 17 долараў — з 462,1 да 445,1 долара за тону, нафты з утрыманнем серы — з 217,5 да 205,8 долара за тону.

Новыя стаўкі зацверджаныя пастановай урада Расійскай Федэрацыі ад 22 чэрвеня 2011 года № 494.

У адпаведнасці з падпісанымі пагадненнямі паміж Беларуссю і Расіяй, аналагічныя стаўкі экспартнай пошліны ўводзяцца і для Беларусі.

Устаноўлены таксама новыя стаўкі экспартных пошлін на нафтапрадукты, вывозімыя з Беларусі за межы мытнай тэрыторыі Мытнага саюза.

Пошліна на светлыя нафтапрадукты (лёгкія дыстыляты, сярэднія дыстыляты, газойлі) зніжана з 309 да 298,2 долара за тону, на цёмныя нафтапрадукты (важкае паліва, масла, адпрацаваныя нафтапрадукты) — з 215,8 да 207,8 долара за тону.

Пошліна на прапан, бутаны, этылен, прапілен, бутылен і бутадыен, іншыя звадкаваныя газы знізілася са 189,8 да 172,9 долара за тону, на нафтавы вазелін, мінеральныя воскі і аналагічныя прадукты — з 215,8 да 207,8 долара. Пошліна на бензіны таварныя і прамагонны бензін устаноўлена на ўзроўні 400,5 долара за тону.

9 снежня 2010 года ў Маскве было падпісана беларуска-расійскае міжурадавае пагадненне аб размеркаванні экспартных пошлін. Згодна з дакументам, з 1 студзеня Расія павінна пастаўляць у Беларусь усю нафту бяспошлінна. Беларусь, са свайго боку, павінна пералічваць у бюджэт РФ увесь аб’ём экспартных пошлін на нафтапрадукты, якія вырабляюцца з расійскай нафты і вывозяцца за межы Мытнага саюза.

Андрэй Кажамякін, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ