Грамадскага актывіста затрымалі 1 ліпеня ў Брэсце, а 19.55 каля крамы «Санта»
Сведкам здарэння быў адзін з настаўнікаў школы непадалёк, паведаміла маці Стасюка. Затрыманне праводзілі двое ў чорным. Івану закруцілі рукі за спіну і некуды павялі.
Нагадаем, што зусім нядаўна Іван Стасюк адбыў 10 сутак адміністрацыйнага арышту. 14 чэрвеня яго затрымалі і асудзілі нібыта за брыдкаслоўе. Такім чынам яго хацелі не пусціць на «маўклівую акцыю».
Праваабаронца Раман Кісляк выказаў меркаванне, што цяпер актывіста хочуць ізаляваць напярэдадні 3 ліпеня.
