Цэментная галіна Беларусі можа знізіць энергазатраты на вытворчасць прадукцыі ў яе сабекошце з 40‑50 працэнтаў да 15‑18 працэнтаў. Аб гэтым паведаміў міністр архітэктуры і будаўніцтва Аляксандр Селязнёў 4 студзеня на прэс‑канферэнцыі.
Ён адзначыў, што цяпер на ВРУП «Крычаўцэментнашыфер» рэалізуецца інвестыцыйны праект па стварэнню сучаснай у цэментнай галіне вытворчасці ‑ сухога спосабу вырабу будматэрыялаў. «Калі мы пяройдзем з мокрага на сухі спосаб, як гэта робіцца ў Германіі і Польшчы, то ўдзельная вага энерганосьбітаў знізіцца да 15‑18 працэнтаў», ‑ падкрэсліў міністр.
Таму цяпер перад вытворцамі стаіць задача стварыць у Крычаве на кар’еры «Каменка» новую вытворчасць ‑ печ для сухога спосабу вырабу цэменту. Дзеючыя на гэтым прадпрыемстве старыя магутнасці па выпуску цэменту паступова будуць кансервавацца і выводзіцца з абароту.
Аляксандр Селязнёў таксама паведаміў, што ва ўмовах павышэння цэн на газ у 2007 годзе 1 тона беларускага цэменту падаражэе на 30 працэнтаў да $70. Гэта ўсё роўна будзе канкурэнтаздольная цана, улічваючы, што 1 тона расійскага цэменту каштуе $90, польскага ‑ $95‑100, украінскага ‑ $95‑97, адзначыў ён.
Для ажыццяўлення праектаў вытворцы прыцягваюць інвестараў. Цяпер яны ўжо прапрацоўваюць сумесныя праекты з Іранам, Кітаем, Аўстрыяй.
Фота photo.bymedia.net
