Пра гэта расказаў у інтэрв’ю парталу Goals.by Эдзін Джоліч, што разам з бацькам прыляцеў з Осла, дзе яны пражываюць, каб падтрымаць сваю зборную у матчы супраць зборнай Беларусі.
Эдзін і яго бацька падарожнічаюць за зборнай па ўсім свеце, фота Goals.by.
Зборная Боснія пасялілася ў гатэлі Crown Plaza.
Госці здзівіліся, што білет на матч каштуе каля 2 еўра ў эквіваленце (адзін з самых танных), тады як бутэлька «Фанты» ў гатэлі 3 еўра.
Эдзін Джоліч адзначыў: «Пакуль мой бацька гутарыў з новым знаёмым аб футболе і палітыцы, у рэстаран на вячэру спусціліся гульцы нашай зборнай. Цікава, што гэтая самая вячэра, якая складаецца ўсяго толькі з біфштэксу, бульбы ды салаціка, абыйшлася нашай камандзе ў 75 еўра за чалавека. Увогуле, зусім нятанна атрымліваецца. Нават па нарвежскім мерках».
Нагадаем, матч Беларусь — Боснія пройдзе вечарам сёння на стадыёне «Дынама» ў 20:30.
0
0
0
0
0
0
