Ад 15 да 18 верасня ў Гомелі пройдзе чарговы Міжнародны фестываль «Сожскі карагод». На тры дні Гомель ператворыцца ў адну вялікую сцэнічную пляцоўку. Сярод запланаваных імпрэзаў — прыгожае шоў на ўзбярэжжы Сожа, у якім арганізатары плануюць спалучыць тры асноўныя стыхіі — ваду, агмень і зямлю. За вогненны складнік адказвае «Тэатр вагню Atesh». Ён і запросіць наведнікаў фэсту на «Танцы з вампірамі».