Візыт расейскага прэзыдэнта Ўладзімера Пуціна ў Ватыкан не прынёс пералому ў адносінах паміж каталіцкім Касьцёлам і Расеяй. Насуперак ранейшым спэкуляцыям, Пуціна не суправаджаў ніводны прадстаўнік праваслаўнай Царквы, якая з часоў пантыфікату Яна Паўла II супраціўляецца візыту Папы ў Расею.
Уладзімер Пуцін перадаў Бэнэдыкту XVI прывітаньне ад маскоўскага патрыярха Алексія II, аднак нічога не сказаў пра эвэнтуальную пілігрымку Папы. Размова, што вялася па‑нямецку, цягнулася няпоўныя паўгадзіны. Галоўная мэта прыезду Пуціна ў Італію — перамовы па пытаньнях эканомікі з італьянскім прэм’ерам Рамана Продзі.
Вольга Данішэвіч паводле gazeta.pl
0
0
0
0
0
0
