Праваабаронца Наста Лойка паведаміла, што ў мінскім Доме правасуддзя знікла яе калега Кася Галіцкая.
Галіцкая прыехала на судовыя працэсы над затрыманымі сёння раніцай у Мінску маладафронтаўцамі Уладзімірам Яроменкам і Аляксандрам Васільевым.«Цяпер нам паведамляюць, што ў судзе Галіцкай няма, а яе тэлефон амаль гадзіну не адказвае. У нас няма дакладнай інфармацыі, але мы мяркуем, што яна затрыманая супрацоўнікамі міліцыі», — сказала Лойка.
Раман Пратасевіч, Уладзімір Яроменак і Раман Васільеў былі затрыманыя раніцай 17 ліпеня ў Кастрычніцкім раёне Мінска прыкладна ў 7.30. Іх даставілі ва УУС Кастрычніцкага раёна Мінска, дзе на Яроменка і Васільева былі складзеныя пратаколы аб дробным хуліганстве па артыкуле 17.1 Кодэкса аб адміністрацыйных правапарушэннях. Раман Пратасевіч быў адпушчаны з УУС як непаўнагадовы.
***
Нагадаем, сёння раніцай Кася Галіцкая выказала меркаванне, што арышт маладых актывістаў можа быць прэвентыўнай мерай напярэдадні прыезду ў Мінск прэм’
Праваабаронца таксама паведаміла, што ёй і затрыманым актывістам напярэдадні тэлефанавалі супрацоўнікі міліцыі з прапановай «паразмаўляць», аднак маладыя людзі кантактаваць з міліцыяй адмовіліся.





