Белстат апублікаваў дадзеныя пра наведвальнасць беларускіх тэатраў у 2011 годзе.
За год у 27 прафесійных тэатраў прыйшлі 1,85 мільёна гледачоў.Летась гэтая лічба амаль дасягнула 2 мільёнаў чалавек.
Нацыянальны акадэмічны Вялікі тэатр оперы і балета
Якія тэатры сталі самымі папулярнымі?
1. Нацыянальны акадэмічны Вялікі тэатр оперы і балета (Мінск) — 238 тысяч наведвальнікаў
2. Беларускі дзяржаўны музычны тэатр (Мінск) - 198 тысяч
3. Нацыяльны акадэмічны драматычны тэатр імя Якуба Коласа (Віцебск) - 110 тысяч
4. Нацыянальны акадэмічны драматычны тэатр імя Горкага (Мінск) - 105 тысяч
5. Акадэмічны тэатр драмы (Брэст) - 93 тысячы
6. Нацыянальны акадэмічны тэатр імя Янкі Купалы - 81 тысяча
7. Магілёўскі абласны тэатр драмы і камедыі імя Дуніна-Марцінкевіча (Бабруйск) - 80 тысяч
8. Гродзенскі абласны драматычны тэатр - 79 тысяч
9. Гомельскі абласны драматычны тэатр - 76 тысяч
10. Магілёўскі абласны драматычны тэатр - 75 тысяч
Параўнальна нізкі ўзровень Купалаўскага тэатра тлумачыцца адсутнасцю ўласнай пляцоўкі ў 2011 годзе.
Дарэчы, самыя змяшчальныя залы маюць Оперны тэатр (1218 месцаў), Гродзенскі абласны (881) і Беларускі дзяржаўны музычны тэатр (783) і Мазырскі драматычны тэатр імя Мележа (781).
Найбольш мерапрыемстваў - 580 - прайшло ў Магілёўскім абласным тэатры драмы і камедыі імя Дуніна-Марцінкевіча.
* * *
А ў які тэатр любіце хадзіць Вы?
