Жонка палітвязня Сяргея Каваленкі Алена атрымала сёння доўгатэрміновае спатканне з мужам у папраўчай калоніі №19 Магілёва.
Плануецца, што спатканне будзе доўжыцца тры дні і скончыцца 27 ліпеня. Разам з Аленай сустрэцца з бацькам прыехалі двое непаўналетніх дзяцей: дачка Віка і сын Валянцін.
Спатканне на суткі атрымаў брат Сяргея Каваленкі Віталь і ягоны бацька Аляксандар Васілевіч.
Сяргей Каваленка асуджаны на два гады і месяц зняволення за парушэнне парадку адбывання хатняй хіміі пасля вывешвання бел-чырвона-белага сцяга на навагодняй елцы ў Віцебску. Адбывае пакаранне ў папраўчай калоніі №19 Магілёва.
0
0
0
0
0
0
