Следчы камітэт Расіі прад'явіў вядомаму дзеячу апазіцыі Аляксею Навальнаму абвінавачванне «па справе «Кіраўлеса». З Навальнага ўзялі падпіску аб нявыездзе.
Навальнаму прад'яўлена абвінавачванне па ч.3 арт. 33, ч.4 арт. 160 КК (арганізацыя прысваення чужой маёмасці ў асабліва буйным памеры).
5 ліпеня крымінальную справу ў дачыненні да былога дарадцы губернатара Кіраўскай вобласці апазіцыянера Аляксея Навальнага перадалі для расследавання ў галоўнае следчае ўпраўленне СК. Гэта адбылося пасля таго, як на ведамаснай калегіі ў Пецярбургу кіраўнік СК Аляксандр Бастрыкін запатрабаваў ад кіравання ведамства па Кіраўскай вобласці тлумачэнняў з нагоды закрыцця крымінальнай справы супраць Навальнага.
Аб завядзенні справы стала вядома ў маі 2011 года. Следства зацікавіла дзейнасць Навальнага ў Кіраўскай вобласці, дзе ў свой час ён быў дарадцам губернатара на грамадскіх пачатках. Як адзначала следства, блогер пераканаў кіраўніцтва ГУП «Кіраўлес» падпісаць нявыгадную дамову на рэалізацыю лесапрадукцыі.
