Чатыры населеных пункты ў Навагрудскім раёне засталіся без святла.
Як паведамляе БелТА, праз моцны вецер, дождж і град у Пінскім раёне Брэсцкай вобласці былі пашкоджаныя 44 будынкі, а таксама сельскагаспадарчыя пасевы.
Да гэтага часу без святла застаюцца 4 населеныя пункты ў Навагрудскім раёне Гродзенскай вобласці. Моцны вецер пашкодзіў лініі электраперадач.
Паводле інфармацыі БелаПАН, у трох населеных пунктах Лагойскага раёна і двух населеных пунктах Салігорскага раёна (Мінская вобласць), а таксама ў пасёлку Міханавічы (Мінскі раён) праз пашкоджанне ліній электраперадач гадзіну адсутнічала электрычнасць.
На сёння сіноптыкі перадаюць дажджы і навальніцы ў цэнтральных і ўсходніх раёнах краіны. Пры навальніцах месцамі чакаюцца моцныя залевы, днём у асобных раёнах магчымы град.