Ім пагражае да 15 сутак адміністрацыйнага арышту.
Дабрачынны фестываль праходзіў 5 жніўня ў садзе імя Баўмана — недалёка ад АУС «Басманнае», куды даставілі Яўгена Алёхіна і Канстанціна Стракольскага, расказаў адвакат музыкаў Васіль Кушнір.
Маладых людзей, якія выконваюць «сацыяльны
Перад гэтым яны праспявалі песню «Міліцыянт будучыні», дзе ў прыпеве ёсць такія словы: «Эй ты, трутень, запомни, Путин крутень на указательном пальце земной шар крутит. У меня никогда не вставал вопрос за кого голосовать — единоросс».
Васіль Кушнір расказаў, што пасля гэтай песні паліцыянты зрабілі музыкам папярэджанне аб парушэнні грамадскага парадку.
На відэазапісах, размешчаных у інтэрнэце, відаць, што падчас затрымання музыкі не супраціўляліся, гледачы суправаджалі тое, што адбываецца, крыкамі «ганьба».
Адзін з арганізатараў фестывалю Алег Озераў сказаў, што музыкаў ужо спрабавалі затрымаць у гэты дзень — калі яны ехалі на фестываль.
У аддзяленні паліцыі на музыкаў склалі пратакол па частцы першай артыкула 20.1 КаАП — парушэнне грамадскага парадку, якое выяўляецца ў «відавочнай непавазе да грамадства, што суправаджаецца нецэнзурнай лаянкай у грамадскіх месцах». Гэта караецца штрафам да адной тысячы рублёў або адміністрацыйным арыштам на тэрмін да пятнаццаці сутак.
Васіль Кушнір кажа, што непавагі да грамадства, у якой абвінавачваюць музыкаў, не было, бо гледачы былі задаволеныя, пляскалі і крычалі «біс».
Алег Озераў кажа, што «лаянкавых словаў ад музыкаў са сцэны не чуў, хоць былі словы, якіх не пачуеш па Першым канале». «Рэч у тым, што мы загадзя прасілі гурт пазбягаць мацюкоў, бо меркавалася, што на фестываль прыйдуць дзеці», — тлумачыць ён.
Як растлумачыў суарганізатар фестывалю, музыкі, выйшаўшы на сцэну, паведамілі, што іх паспрабавалі затрымаць па дарозе ў метро, але потым адпусцілі. Калі іх затрымалі ўжо на MegaVeganFest, ніхто з паліцэйскіх не прадставіўся, нягледзячы на просьбы, кажа Озераў.
«Яны не стрымалі слова афіцэра: спачатку папрасілі музыкаў адысці ўбок для пісьмовых тлумачэнняў, а затым іх затрымалі», — кажа ён.
Па словах адваката, усе яго спробы вызваліць Алёхіна і Стракольскага
Чакаецца, што справу музыкаў у панядзелак разгледзіць Басманны суд Масквы.У колькі адбудзецца слуханне, пакуль невядома, кажа Кушнір.
Канстанцін Стракольскі з’яўляецца рэдактарам аддзела палітыкі сайта «Мнения. Ру». Яўген Алёхін — малады пісьменнік, лаўрэат прэміі «Дэбют» 2004 года, аўтар некалькіх кніг і мноства часопісных публікацый.
Гэта не першае затрыманне музыкаў за выкананне імі надзённых песняў. У жніўні 2010 года быў затрыманы і асуджаны на 10 сутак па тым жа артыкуле 20.1 КаАП вядомы расійскі рэпер Noize MC. Нараканні тады яшчэ міліцыягтаў выклікала прысвечаная ім крытычная песня.
