З 23 траўня па 4 чэрвеня прадстаўнікі Міжнароднага валютнага фонду будуць знаёміцца з макраэканамічнай палітыкай нашай краіны. Візыт місіі МВФ ў Беларусь адбудзецца ў рамках штогадовых інспэкцыяў у краінах‑удзельніцах, прадугледжаных статутам арганізацыі. Па выніках азнаямленьня будзе падрыхтаваная справаздача. З выніковым дакумэнтам, які разьмесьцяць на сайце МВФ, змогуць азнаёміцца ўсе жадаючыя, у тым ліку і патэнцыйныя інвэстары.
