26 красавіка а дзясятай раніцы ў судзе Маскоўскага раёну Менску пачнецца разгляд скаргі заяўнікаў акцыі «Чарнобыльскі шлях». Яны не задаволеныя дзеяньнямі чыноўнікаў Менгарвыканкаму.
Заяўнікі просяць суд адмяніць рашэньне чыноўнікаў, якія самавольна, без папярэдняга ўзгадненьня з арганізатарамі, зьмянілі маршрут і фармат масавай акцыі.
У заяўцы арганізатары «Чарнобыльскага шляху» плянавалі шэсьце ад плошчы Якуба Коласа да Нацыянальнай бібліятэкі.
Чыноўнікі дазволілі збор каля Акадэміі навук, а шэсьце да капліцы на вуліцы Карастаянавай, што каля плошчы Бангалор.
