Вядомы беларускі сацыял‑дэмакратычны дзеяч Анатоль Сідарэвіч 23 траўня аштрафаваны судом Савецкага раёна сталіцы на 25 базавых велічынь (775 тысяч рублёў).
Палітык пакараны «за арганізацыю несанкцыянаванага вулічнага мерапрыемства». Маецца на ўвазе «Чарнобыльскі шлях», адным з заяўнікаў якога быў Сідарэвіч.
Нагадаем, раней ужо былі аштрафаваныя арганізатары акцыі Валянціна Палевікова, Юрась Зянковіч і Аляксей Янукевіч.
