Стала вядома акалічнасці і прычына выкіду сінільнай кіслаты, які адбыўся сёння і з‑за чаго пацярпелі некалькі рабочых наваполацкага прадпрыемства. Паводле МНС, выкід здарыўся пры дэмантажу клапана на трубаправодзе, пры гэтым пры правядзенні рамонтных прац былі парушаны правілы тэхнікі бяспекі.
З тых рабочых, што атрымалі хімічныя апёкі, адзін памёр, а яшчэ адзін знаходзіцца ў шпіталі ў цяжкім стане.
Трубаправод цяпер перакраты, але праца прадпрыемства з‑за гэтага здарэння не спынялася. Зараз на «Паліміры» працуе адмысловая камісія. Пагрозы здароўю супрацоўнікаў «Паліміру», мясцовага насельніцтва ці навакольнаму асяроддзю няма.
