Кім Чэн Ын даў заданне хутчэй рыхтавацца да вайны
Лідар КНДР Кім Чэн Ын наведаў галоўную базу Карэйскай Народнай арміі (КНА) і паназіраў за ваеннымі вучэннямі, піша Цэнтральнае тэлеграфнае агенцтва Карэi (ЦТАК).
Korean Central News Agency/Korea News Service via AP
Паўночнакарэйскага лідара суправаджалі сакратар ЦК Працоўнай партыі Карэі і намеснік старшыні Цэнтральнага ваеннага камітэта партыі Пак Чон Чхон. На базе кіраўніка КНДР сустрэў камандны склад войска, у тым ліку міністр абароны і начальнік генштаба.
«Паважаны таварыш Кім Чэн Ын падрабязна азнаёміўся з збудаваннямі і рознымі трэніровачнымі месцамі галоўнай базы для аператыўных вучэнняў. Таварыш Кім Чэн Ын ацаніў практычнае стварэнне ўсіх трэніровачных месцаў, якія дазваляюць інтэнсіўна правесці розныя вучэнні ў практычнай баявой абстаноўцы, па вызначаных ЦК партыі важным ваенна-палітычным задачам перад арміяй. Ён падкрэсліў, што трэба актыўна выкарыстоўваць трэніровачныя месцы, каб яны ўнеслі рэальны ўклад ва ўмацаванне баяздольнасці Народнай арміі, далей умацоўваць матэрыяльна-тэхнічную базу і ажыццяўляць пастаянны догляд за імі», — гаворыцца ў інфармацыі ЦТАК.
Акрамя таго, Кім Чэн Ын падкрэсліў, што ўсе вайсковыя інстанцыі павінны адкрыць «новы перыяд бурнага развіцця ў паскарэнні падрыхтоўкі да вайны ў адпаведнасці з патрабаваннямі цяперашняй сітуацыі».
Чытайце таксама:
Пуцін падарыў Кім Чэн Ыну ўласны аўтамабіль
«Абсалютны кал». Z-ваенкары заявілі пра жахлівую якасць снарадаў з КНДР
