Знайсці
29.11.2021 / 18:31РусŁacБел

Жонку Андрэя Зельцэра Марыю Успенскую прызналі палітзняволенай

У Беларусі 5 новых палітвязняў. Гэта Марыя Успенская, Сяргей Іваноў, Яўген Коржаль, Цімафей Мажанкоў і Аляксей Ігнаценка.

40-гадовую жанчыну затрымалі 28 верасня пасля перастрэлкі ў кватэры, падчас якой загінуў яе муж Андрэй Зельцэр і супрацоўнік КДБ. Цяпер яна ўтрымліваецца за кратамі.

У той дзень супрацоўнікі органаў дзяржаўнай бяспекі ў межах правядзення спецыяльных мерапрыемстваў «па адпрацоўцы адрасоў, у якіх маглі знаходзіцца асобы, датычныя да тэрарыстычнай дзейнасці», трапілі з пашкоджаннем дзвярэй у кватэру Марыі Успенскай, дзе адзін з іх загінуў у перастрэлцы з мужам Марыі Успенскай — Андрэем Зельцэрам.

Паводле распаўсюджаных Следчым камітэтам звестак, затрыманне Марыі Успенскай было звязанае з падазрэннем ў саўдзеле ў забойстве супрацоўніка КДБ. Разам з тым, відэасюжэт з кватэры пацвярджае той факт, што непасрэднай ролі ў той перастрэлцы Марыя Успенская не выконвала, толькі ажыццяўляла відэаздымку дзеянняў мужа; іншыя акалічнасці таго здарэння выключаюць абгрунтаваныя абвінавачванні ў любых формах саўдзелу паводле папярэдняй змовы, пішуць праваабаронцы.

Агульная колькасць палітвязняў склала 891.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера