Знайсці
29.11.2021 / 21:09РусŁacБел

Урад задумаўся аб увядзенні картак на ежу для незаможных

Намеснік прэм'ера Аляксандр Субоцін расказаў аб перспектывах увядзення адраснай дапамогі і прадуктах, цэны на якія хутка перастануць рэгуляваць.

«Пералік сацыяльна значных тавараў мы скароцім да 17, прыбяром бескасцёвае мяса і іншыя пазіцыі. Пакідаем хлеб, малако, натуральнамалочную прадукцыю і гэтак далей», — адзначае Субоцін.

Ва ўрадзе лічаць, што пастанова №100 выйдзе з ужытку і на яе месца, хутчэй за ўсё, прыйдзе адрасная дапамога тым, хто мае патрэбу.

«У якім фармаце гэта будзе? Думаю, у найбліжэйшы час вы ўбачыце. З сеткамі размова на гэтую тэму ўжо адбылася. Магчыма, будуць нейкія бонусныя карты для пенсіянераў, незаможных, шматдзетных сем'яў», — кажа віцэ-прэм'ер.

Рэгуляванне цэн у краіне адбываецца праз пастанову Саўміна №100, якая забараняе павышаць цэны на некаторыя прадукты больш чым на 0,2% у месяц. Таксама ў крамах існуе максімальная гандлёвая надбаўка для пэўных тавараў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера