Žychary małoj vioski ŭ centralnym Kitai vykapali dynazaŭra — usiaho bolš za tonu kaściej. Prostych viaskoŭcaŭ vielmi napužała hetaja znachodka. Viadoma, zaraz panajeduć navukoŭcy, usio raskapajuć, zatopčuć, buduć raspytvać. — Lepš budzie jaho źjeści — paličyli kitajcy i pryhatavali z kaściej sup.
Jak vynikaje ź śledztva, praviedzienaha peŭnym paleantolaham, dynazaŭra vykapali dvaccać hod tamu. Z taho času biedałahu pavoli źjadali ŭ formie supu i ściortaha parašku. Najbolš vynachodlivyja pasprabavali zarabić na znachodcy. — Jašče ŭ minułym hodzie kości pradavalisia ŭ pravincyi Chenań, što mieścicca nad Chuanche, pad vyhladam «kaściej cmokaŭ» pa 4 juani (0,5 dalary) za kilahram — paćvierdziŭ kitajski paleantolah Donh Žyminh ź Instytutu paleantalohii pazvanočnych i paleaantrapalohii Kitajskaj Akademii navuk.
Vyśvietliłasia, što ściortaha ŭ parašok dynazaŭra nakładali na rany i drapiny. Bahatyja vapnam kości taksama dadavalisia ŭ sup jak uzmacniajučy srodak dla dziaciej. — Takim čynam z usiaho dynazaŭra zastałosia niejkich dźvieście kilahramaŭ — z smutkam kanstatavaŭ Žyminh.
