Darahija siabry!

Hramadskaje abjadnańnie «Dyjaryuš» sumiesna z Tavarystvam biełaruskaj movy prapanuje vam paŭdzielničać u konkursie «Historyja vačyma chatniaha fatohrafa». Hety daśledčy konkurs pa najnoŭšaj (XX i XXI stst.) historyi Biełarusi startavaŭ 1 sakavika ŭ ramkach adukacyjnaj prahramy «Blizkaja historyja». Za čas isnavańnia prahramy z 1998 h. było praviedziena 6 konkursaŭ, u jakich uziali ŭdzieł kala 1,5 tysiačy čałaviek. Padobnyja konkursy ładziacca ŭ 17 krainach śvietu: Polščy, Bałharyi, Rasii, Turcyi, Ukrainie, Estonii, Hiermanii, Anhlii i inš.

CHAJ LUDZI ŬBAČAĆ VAŠYMI VAČYMA: źmiaścicie na nn.by Vašy foty i paviedamleńni: [email protected], 29-707-73-29, 29-613-32-32, 17-284-73-29.

Štohod pieramožcy nacyjanalnych konkursaŭ (pa 3 čałavieki ad kožnaj krainy, u tym liku i ad našaj) buduć zaprošanyja na letniuju (u Hiermaniju) i vosieńskuju (u adnu ź jeŭrapiejskich krain) sustrečy, dzie adpačynak spałučajecca z dyskusijami, konkursami, hulniami i h.d.

Ładzić takuju sustreču EUSTORY (mižnarodnaja arhanizacyja, jakaja abjadnoŭvaje histaryčnyja konkursy). Dla lepšych i najbolš aktyŭnych nastaŭnikaŭ — kurataraŭ konkursnych prac — EUSTORY taksama pravodzić roznyja cikavyja mierapryjemstvy.

Našy pryzy pieramožcam (a ich zvyčajna 35‑45 čałaviek) — naviejšyja knihi pa historyi Biełarusi, jakija mohuć spatrebicca dla vučoby i dla pastupleńnia ŭ VNU, i dyski dy kasiety sučasnaj biełaruskaj muzyki. Kuratary taksama adznačajucca pryzami. Pa zakančeńni konkursu lepšyja pracy buduć apublikavany ŭ zborniku.

Dla aktyŭnych amataraŭ historyi — udzielnikaŭ našych konkursaŭ, my pravodzim mietadyčnyja spatkańni, jakija dapamahajuć u napisańni pracy, vučać rabić histaryčnaje daśledavańnie. Heta naviedvańnie muziejaŭ, archivaŭ, bibłijatek, sustrečy ź cikavymi ludźmi: vučonymi, piśmieńnikami, udzielnikami Vialikaj Ajčynnaj vajny i inš.

U našych konkursach mohuć udzielničać školniki pačynajučy z 7 kłasa, a taksama navučency kaledžaŭ, licejaŭ, technikumaŭ, PTV školnaha ŭzrostu. Pracu možna pisać adnamu i hrupaj, całkam samastojna i pry dapamozie kuratara. Kuratarami mohuć być nastaŭniki i vykładčyki, vychavalniki i kiraŭniki hurtkoŭ, a taksama baćki, starejšyja svajaki.

Apošni termin dasyłki prac na sioletni konkurs «Historyja vačyma chatniaha fatohrafa»— 1 listapada. Napieradzie leta, volny ad vučoby čas, kali možna plonna papracavać.

Usie pracy razhladajucca žury, u skład jakoha ŭvachodziać znakamityja navukoŭcy, litaratary. A ŭ śniežni miesiacy pieramožcy buduć zaprošany ŭ Minsk na cyrymoniju ŭručeńnia ŭznaharodaŭ.

Dla ŭsich zacikaŭlenych my vysylem buklet z umovami konkursa, a taksama mietadyčnuju brašuru, u jakoj akramia rehłamienta konkursu, dajucca parady pa napisańni daśledčaj histaryčnaj pracy (jak źbirać materyjały, apracoŭvać ich, rabić histaryčnaje daśledvańnie, parady kurataru i h. d.). Kali zachočacie atrymać brašuru (jana raspaŭsiudžvajecca biaspłatna), albo spatrebiacca niejkija dadatkovyja tłumačeńni, dapamoha — źviartajciesia.

Našy kaardynaty: Blizkaja historyja», a/s № 128, 220064, h. Minsk. teł. 8‑029 317‑46‑25 (Velcom), 8‑029 505‑63‑85 (MTS)

E‑mail: [email protected]

Kaardynatar prahramy «Blizkaja historyja» Iryna Koval.

Клас
Панылы сорам
Ха-ха
Ого
Сумна
Абуральна