Na siadzibie BNF a 17.30 adbyłasia prezentacyja čaćviortaj knihi Paŭła Sieviarynca «Bratu».
Sieviaryniec raspavioŭ, što kniha składajecca z artykułaŭ, jakija drukavalisia z 1997 hodu ŭ roznych vydańniach. «Mnie zadavali šmat roznych pytańniaŭ, što rabić, jakoj musić być Biełaruś, – kaža Sieviaryniec. – Adkazy ja davaŭ u hetych artykułach. Ale ciapier jany maładastupnyja, i ja vydaŭ ich asobnaju knihaj».
Centralnym tvoram, jaki j daŭ nazvu knizie, źjaŭlajecca artykuł «Bratu», jaki byŭ nadrukavany ŭ «Našaj Nivie» 10 studzienia 2000 hodu. «Što rabić? – Lubić Boha i lubić Biełaruś» – taki adkaz prapanuje Sieviaryniec na siońniašnija zapytańni.
U knihu taksama ŭvajšli tvory «Bieł‑čyrvona‑bieły ściah Chrysta», «Rod Frontu». «Fundamentalnaja Biełaruś».
Artykuły «Biełaruś u maładości» i «Pakaleńnie zapavolenaha dziejańnia» małaviadomyja paspalitaje publicy, bo drukavalisia ŭ małatyražnych vydańniach NISEPI. Artykuł «Poprobuj bieź jazyka» składzieny na ruskaj movie dla hazety «Imia» – i pryznačany ruskamoŭnaje moładzi, kab zaachvocić ich razmaŭlać pa‑biełarusku. U knizie drukujucca prahramy «Maładoha frontu» i Biełaruskaj chryścijanskaj demakratyi, aśvietnickaje «Šoŭ biełaruščyny» i apaviadańni «Rychtujsia» i «Paleńnie».
«Bratu» vydadzienaja nakładam usiaho 220 asobnikaŭ. «Heta kniha dla ŭładaroŭ dumak, dla elity» – patłumačyŭ Sieviaryniec.
