Jak paviedamiła pres-słužba Biełaruskaha ekzarchata Ruskaj pravasłaŭnaj carkvy, pryniasieńnie chryścijanskaj śviatyni ŭ Biełaruś pravodzicca pa dabrasłavieńni patryjarcha Maskoŭskaha i ŭsiaje Rusi Alaksija II pry sadziejańni Fondu Andreja Pieršazvanaha (Maskva). Z 9 červienia moščy chrosnym chodam padarožničajuć pa maršrucie: Maskva - Sankt-Pieciarburh - Kijeŭ - Zaparožža - Krasnajarsk - Kiemierava - Barnauł - Vałhahrad - Elista - Minsk.
Paśla sustrečy moščaŭ mitrapalitam Minskim i Słuckim Fiłaretam, patryjaršym ekzarcham usiaje Biełarusi ŭ aeraporcie adbudziecca karotki malebien. Zatym śviatyniu dastaviać u staličny pravasłaŭny prychod u honar abraza Božaj Maci "Usich tužlivych Radaść", u chram Prapadobnaj Jeŭfrasińni Połackaj (vulica Prytyckaha, 65). Tut da 11 lipienia budzie pravodzicca kruhłasutačnaje pakłanieńnie moščam.
Ranicaj 12 lipienia moščy buduć adpraŭleny ŭ Sałoniki (Hrecyja). Tam, na śviatoj hary Afon, što znachodzicca na paŭvostravie Chałkidziki, raźmiaščajecca najbujniejšy centr pravasłaŭnaha chryścijanstva sa skalnym manastyrskim kompleksam X-XIV stahoddziaŭ, dzie znajšli spakoj moščy jevanhielista Łuki.
Dla chryścijan śviaty apostał i jevanhielist Łuka źjaŭlajecca adnym z najbolš šanavanych śviatych, aŭtaram adnaho z čatyroch Jevanhiellaŭ i Dziajańniaŭ apostałaŭ. U liku bližejšych vučniaŭ byŭ pasłany Boham na pieršuju propaviedź ab Carstvie Niabiesnym jašče pry ziamnym žyćci Zbaviciela. Apostał Łuka - vychadziec z adukavanaha hreckaha asiaroddzia, urač pa prafiesii. Zhodna z padańniem, napisaŭ pieršyja abrazy Praśviatoj Baharodzicy.
