U vypadku ažyćciaŭleńnia «prajekta sajuznaj dziaržavy» ŭ Biełarusi moža źjavicca samastojny vychad da mora na terytoryi Rasii. Pra heta zajaviŭ dziaržsakratar Sajuznaj dziaržavy Biełarusi i Rasii Pavieł Baradzin 8 lipienia na pres-kanfierencyi, pryśviečanaj praviadzieńniu dnia sajuznaj dziaržavy, što prachodzić padčas «Słavianskaha bazaru ŭ Viciebsku».
Pavodle słoŭ P.Baradzina, ciapier razhladajucca try prajekty budaŭnictva biełaruskaha marskoha porta ŭ Leninhradskaj vobłaści.
Dziaržsakratar taksama zakranuŭ temu ŭzajemaadnosinaŭ Ukrainy i Rasii. P.Baradzin, u pryvatnaści, krytyčna pastaviŭsia da taho, što pryvitanie prezidenta Ukrainy Viktara Juščanki, adrasavanaje «Słavianskamu bazaru ŭ Viciebsku», było napisana na ŭkrainskaj movie. «Łukašenka vystupiŭ na ruskaj movie, pryvitańnie Pucina - na ruskaj movie, chacia jon moh i pa-niamiecku, i pa-anhlijsku, i pa-francuzsku... A voś pryvitańnie ŭkrainskaha prezidenta było na «nazaležnaj movie», - kanstatavaŭ Baradzin.
Pry hetym jon vykazaŭ upeŭnienaść u tym, što ŭ skład sajuznaj dziaržavy Biełarusi i Rasii «ŭvojdzie ŭsia Jeŭropa». «U nas dla hetaha jość usio», - padkreśliŭ čynoŭnik.
