Z 9 pa 19 lipienia projdzie štohadovaja vučoba kiraŭnikoŭ zamiežnych ustanoŭ Respubliki Biełaruś.
Jak paviedamiła pres-słužba MZS, u miežach dadzienaha mierapryjemstva budzie arhanizavana sieryja śpiecyjalnych sieminaraŭ. Pierad pasłami vystupiać kiraŭniki orhanaŭ dziaržkiravańnia pa pytańniach asnoŭnych kirunkaŭ ekanamičnaj palityki, uklučajučy inavacyi i raźvićcio pramysłovaha patencyjału krainy. Kiraŭniki zamiežnych ustanoŭ atrymajuć mahčymaść bolš detalova vyvučyć ekspartny patencyjał sielskahaspadarčych pradpryjemstvaŭ, a taksama turystyčnyja mahčymaści Biełarusi.
Płanujecca, što pasły naviedajuć AAT «Babrujskahramaš», AAT «Biełšyna», AAT «Fandok», AAT «Słucki cukrovarafinadny kambinat», AAT «Słucki syrarobny kambinat», AAT «Słucki miasakambinat». Z dypłamatami sustrenucca kiraŭniki Mahiloŭskaj i Minskaj abłaściej, kancernaŭ «Biełnaftachim» i «Biellespapierapram».