 |
Maniety dźvie: srebnaja — naminałam 20 rubloŭ, probaj spłavu 925, masaj 33,62 h, dyjamietram 38,61 mm;
dy miedna‑nikielevaja — naminałam 1 rubiel, masaj 15,5 h, dyjamietram 33,00 mm.
Maniety majuć formu kruha, ź piaredniaha i advarotnaha bakoŭ — vystupajučy kant pa akružnaści, pviedamlaje sajt Nacbanku. Na bakavoj pavierchni maniet nadpis: umacavańnie i abarona dziaržavy.
Na piarednim baku maniet raźmieščany: u centry — vyjava rekanstrukcyi bramy dziacinca staražytnaha Mienska, uviersie — reljefny vidarys Dziaržaŭnaha hierba Respubliki Biełaruś, pa kruzie nadpis: RESPUBLIKA BIEŁARUŚ, unizie — hod čakanki (na srebnaj — proba spłavu) i naminał: 20 RUBLOŬ na srebnaj i 1 RUBIEL — na miedna‑nikielevaj.
 |
Na advarotnym baku maniet — reljefnaja vyjava Hleba Mienskaha, źleva — adlustravańnie ŭnikalnaha kamiennaha abrazka Maci Božaj, adniesienaha da XII — XIII stahodździa, i znojdzienaha pry raskopcy staražytnaha Mienska, pa kruzie nadpis: HLEB MIENSKI i hady jaho praŭleńnia: 1101 — 1119.
Maniety adčakanieny: srebnaja — jakaściu «pruf», miedna‑nikielevaja — «pruf‑łajk». Tyraž srebnaj i miedna‑nikielevaj maniet — pa 5000 štuk.
Pamiatnyja maniety, vypuščanyja ŭ abaračeńnie, źjaŭlajucca zakonnym płaciežnym srodkam Respubliki Biełaruś, abaviazkovym da pryjomu pa naminalnym košcie pry ŭsich vidach płaciažoŭ biez usialakich abmiežavańniaŭ.
