U Miensku 9 lipienia a 10 ranicy ŭ sudzie Leninskaha rajonu raspačaŭsia paŭtorny razhlad pa spravie Kastusia Łukašova, brata Viačasłava Siŭčyka.
U lutym sud pakaraŭ Kanstancina Łukašova źniavoleńniem na dva hady z adterminoŭkaj vykanańnia pakarańnia na dva hady. Jaho abvinavacili ŭ supracivie milicyjantu Suščeniu letaś 29 sakavika, kali jon vyvoziŭ brata sa špitalu i nie spyniŭ aŭtamabil na patrabavańni nieviadomaha ŭ spartovym adzieńni.
Pierahlad spravy inicyjavaŭ bok abarony. 3 krasavika kalehija Mienskaha haradzkoha sudu admianiła rašeńnie sudu Leninskaha rajonu i viarnuła spravu na razhlad novaha sudździ.
Praces musiŭ raspačacca 19 červienia, ale jaho pieranieśli, bo ŭčastkovy Suščenia znachodziŭsia ŭ kamandziroŭcy.
A 10 ranicy sud taksama zrabiŭ pierapynak da 11.30, bo ŭčastkovy ŭ sud nie źjaviŭsia. Tolki paśla taho, jak milicyjant pryjechaŭ, raspačaŭsia sud.
Kastuś Łukašoŭ dabivajecca pryznańnia svajoj poŭnaj nievinavataści. "Kali niama padziei złačynstva, to zhadžacca z žorstkim prysudam nielahična," - skazaŭ Łukašoŭ.
***
17.30 Sudovaje pasiedžańnie zavieršyłasia. Apytany 9 śviedak. Śviedki z boku prakurora iznoŭ dali pakazańni na karyść Kastusia Łukašova. Jak padkreśliŭ Viačasłaŭ Siŭčyk "prysud Kastusiu - palityčny, Kastuś byŭ asudžany tolki tamu, što moj brat".
Zaŭtra, 10 lipienia a 10 ranicy sud pradoŭžycca.
