Alaksandar Łukašenka zahadaŭ Łomaciu pravieryć mytniu. Zianon Łomać prapanavaŭ — čyhunku, i znajšoŭ rastraty ŭ pabudovie Miensk‑Areny i płoščy Niezaležnaści.
9 lipienia A. Łukašenka pryniaŭ staršyniu Kamitetu dziaržaŭnaha kantrolu Zianona Łomacia. Jak paviedamili ŭ pres‑słužbie kiraŭnika dziaržavy, kiraŭnik KDK infarmavaŭ ab praviercy raźmierkavańnia j vykarystańnia ziamli ŭ Mienskim rajonie.
Staršynia KDK paviedamiŭ, što ciapier stvorany pracoŭnyja hrupy, u jakija ŭvajšli pradstaŭniki siłavych strukturaŭ i Kamitetu dziaržkantrolu, i takija hrupy zamacavany za kožnym sielskim śvietam. Na prykładzie Mienskaha rajonu buduć vyjaŭlenyja ŭsie vypadki niezakonnaha vydzialeńnia placaŭ, samavolnaha zachopu i niezakonnaha budaŭnictva. Termin praviadzieńnia pravierki — da 1 kastryčnika.
A.Łukašenka daŭ daručeńnie pravieści takija pravierki skroź.
U chodzie dakładu kiraŭnik dziaržavy taksama pastaviŭ zadaču, nie marudziačy, pravieści pravierku pracy Mytnaha kamitetu, a taksama niekatorych subjektaŭ haspadarańnia.
KDK z svajho boku prynios prpapanovu ab praviercy Čyhunki, i kiraŭnik dziaržavy z hetym pahadziŭsia.
Taksama Łomać painfarmavaŭ pra fakty nieefektyŭnaha vykarystańnia biudžetnych srodkaŭ, vyłučanych na rekanstrukcyju płoščy Niezaležnaści i pabudovy spartkompleksu «Miensk‑Arena».
Taksama prezydent i staršynia KDK čarhovy raz abmierkavali pytańnie prypisak u sielskaj haspadarcy i pahrazili vinavatym kryminalnaj adkaznaściu.
