Syn apošniaha aŭstra‑vuhorskaha imperatara Franca Josifa atrymaŭ ukrainski orden. Prezydent Ukrainy Viktar Juščenka ŭznaharodziŭ deputata Eŭraparlamentu Ota fon Habsburha ordenam kniazia Jarasłava Mudraha V stupieni «za ŭniosak ŭ 'eŭrapiejskuju intehracyju Ŭkrainy i ŭmacavańnie jaje mižnarodnaha aŭtarytetu».
Haličyna ŭvachodziła ŭ Aŭstra‑Vuhorskaha imperyju až da času jaje razvału ŭ 1918 hodzie i ŭtvareńnia niezaležnaj Zachodnia‑Ŭkrainskaj Respubliki.
Apošni prync Aŭstra‑Vuhorskaj imperyi 95‑hadovy Ota fon Habsburh aktyŭna łabijuje ŭkrainskija zacikaŭleńni ŭ Eŭraparlamencie i źjaŭlajecca prychilnikam ŭvachodžańnia Ŭkrainy ŭ Eŭrasajuz.
Uznaharodžańnie adbyvałasia ŭ Ivana‑Frankoŭsku (u časy imperyi jon nazyvaŭsia Stanisłavaŭ). Napiaredadni syn Franca Josifa adviedaŭ Kałamyju, dzie sto hod tamu adpačyvali jahonyja baćki. U miascovaj carkvie jon pamaliŭsia za svajho baćku.
