Antykarupcyjnaje biuro aryštavała dvuch čałaviek pa padazreńni ŭ machinacyjach ź ziamielnymi nadziełami. Paśla taho jak aryštavanyja dali pakazańni ab datyčnaści ministra sielskaj haspadarki Andžeja Lepera da machlarstvaŭ, prezydent Polščy adpraviŭ Lepera ŭ adstaŭku. U adkaz partyja “Samaabarona”, jakuju ŭznačalvaje Leper, vyjšła z uradu.
Bieź jaje ŭdziełu ŭrad Jarasłava Kačyńskaha hublaje bolšaść u Sojmie. Daterminovyja vybary mohuć adbycca ŭvosieni.
Papulisckaja partyja «Samaabarona» były čužarodnym elementam u kanservatyŭnym uradzie Polščy. Adnak jaje ŭdzieł byŭ nieabchodny, bo kaalicyju ź levymi i liberalnymi partyjami apazycyi bratam Kačyńskim stvaryć nie ŭdałosia.
Rasiejskaje infarmacyjnaje ahienctva “RIA-Novosti”, paviedamlajučy pra ŭradavy kryzis u Polščy, akcentuje ŭvahu na tym, što Leper byŭ praciŭnikam raźmiaščeńnia ŭ Polščy amerykanskaj systemy procirakietnaj abarony i damahaŭsia praviadzieńnia referendumu ŭ hetym pytańni. Taksama ahienctva paviedamlaje, što jon vystupaŭ za «vyrašeńnie prablem z pastaŭkami miasa z Polščy ŭ Rasieju na dvuchbakovaj asnovie».
