Na miesca staroha cykłonu ŭžo 10 lipienia da nas zavitaje pasłannik paŭdniovych šyrotaŭ z Italii cykłon pad nazvaj Alfons. Tamu ŭ bližejšyja sutki na bolšaj častcy krainy ŭmieranyja daždžy z navalnicami buduć čarhavacca z mocnymi liŭniami. Pry navalnicach paryvy vietru da 15—20 m/siek. Tempieratura pavietra ŭdzień — 18—24, pa paŭdniovamu ŭschodu — da 25—30 hradusaŭ.
U sieradu karotkačasovyja daždžy čakajucca paŭsiudna tolki ŭnačy, a ŭdzień jany buduć turbavać nas tolki miescami pa krainie. Tempieratura pavietra ŭnačy — 12—18 hradusaŭ, udzień — 19—25.
Pavodle papiarednich prahnozaŭ, u druhoj pałovie tydnia nadvorje palepšycca. Adnak i ŭ hetyja dni my zastaniomsia ŭ zonie panižanaha cisku, tamu miescami mahčymyja letnija karotkačasovyja słabieńkija daždžy. Tempieratura pavietra ŭnačy — 9—14 hradusaŭ, udzień — 20—26, u niadzielu pa paŭdniovamu zachadu da 28 hradusaŭ ciapła.