 Źmicier Daškievič |
Moładzievyja aktyvisty Barys Harecki, Źmicier Chviedaruk i Jarasłaŭ Hryščenia paviedamili siońnia pra arhanizacyju aŭtaprabiehu ŭ dzień naradžeńnia Źmitra Daškieviča. 20 lipienia Daškieviču spoŭnicca 26 hadoŭ, ciapier chłopiec adbyvaje paŭtarahadovaje źniavoleńnie ŭ škłoŭskaj kalonii za dziejnaść ad imia niezarehistravanaj arhanizacyi.
Aŭtaprabieh startuje 19 lipienia a 11:00. U im, pavodle papiarednich prahnozaŭ, prymie ŭdzieł ad siami da dziesiaci mašynaŭ. Jany nakirujucca pa nastupnym maršrucie: Miensk — Baranavičy — Niaśviž — Salihorsk — Mahiloŭ — Škłoŭ — Miensk. Va ŭsich hetych haradach adbyvajecca ŭcisk moładzievych aktyvistaŭ.
20 lipienia ŭdzielniki prabiehu buduć la škłoŭskaj turmy, dzie ŭ hety čas budzie adbyvacca sustreča baćkoŭ Źmitra Daškieviča z synam. Takim čynam jany chočuć padtrymać palitviaźnia.
Arhanizatary zaprašajuć dałučycca da aŭtaprabiehu ŭsich žadajučych.
