Heta było płanavaje mierapryjemstva, zaćvierdžanaje adździełam kultury Hrodzienskaha harvykankamu jašče paŭhady tamu. Adnak, pa ŭsim, paŭstali ideałahičnyja prablemy.
Plener «Šlachami Napaleona Ordy» byŭ pryśviečany 15‑hodździu dziejnaści Tavarystva polskich mastakoŭ, jakoje ciapier funkcyjanuje pad kryłom niepryznanaha ŭładami Sajuzu palakaŭ Biełarusi na čale z Anžalikaj Borys.
Vierahodny vystup Anžaliki Borys u haradskoj vystavačnaj zale, jakaja naležyć harvykankamu, moh by skončycca skandałam. Prynamsi, jak paviedamiła dyrektarka zały Iryna Silvanovič, u harvykankamie joj paviedamili, što za ŭsio, što adbyvajecca ŭ vystavačnaj zale, jana niasie piersanalnuju adkaznaść.
U vyniku vystava pavodle pleneru adkryłasia ŭ pamiaškańni abłasnoj supołki Abjadnanaj hramadzianskaj partyi. Staršynia Tavarystva polskich mastakoŭ Stanisłaŭ Kička ličyć, što heta najlepšaje vyście z dadzienaj situacyi.
A ŭ Hrodzienskaj haradskoj vystavačnaj zale vyrašyli zładzić ekspazicyju pastelaŭ maskoŭskaha mastaka Valeryja Rubanienki, jakaja miełasia adkrycca praz dva tydni.