Aršanskaja fabryka była dałučanaja da VA «Biełaruski metalurhičny zavod» 28 studzienia 2006 h. pavodle rašeńnia prezydenta. Pa słovach hiendyrektara BMZ Mikałaja Andryjanava, na toj čas aršanskaje pradpryjemstva było stratnaje. Ciapier rentabelnaść vytvorčaści na fabrycy składaje 7%. Štomiesiac vyrablajecca 120‑130 mašynaŭ. Prykładna hetulki i pradajecca. Skład dahetul zahružany pradukcyjaj, istotnaja častka jakoj niajakasnaja, paviedamiŭ na pres‑kanferencyi M. Andryjanaŭ.
U planach — rearhanizacyja vytvorčaści aršanskaha pradpryjemstva z udziełam italjanskich investaraŭ. Vytvorčaść švačnych mašynaŭ budzie spynienaja. Padrabiaznaci reformaŭ kiraŭnik BMZ pakul nie raskryvaje.
