«Takija rečy, niahledziačy na toje što heta kropla ŭ mory, nieabchodna zrabić u našym budynku pačynajučy z Avalnaj zały i zakančvajučy ŭsimi pracoŭnymi kabinietami», — zajaviŭ staršynia pastajannaj kamisii pa mižnarodnych spravach i suviaziach z SND Vadzim Papoŭ 10 lipienia na pasiadžeńni kamisii.
Pavodle jaho słoŭ, pry vykanańni dyrektyvy hałoŭnaje pytańnie zaklučajecca ŭ tym, kab «vyvieści pakazčyki ekanomii ŭ lik hałoŭnych pakazčykaŭ pracy ŭ narodna‑haspadarčym kompleksie». V.Papoŭ zaznačyŭ, što pakul u Biełarusi jość adzin abahulnieny pakazčyk — heta enierhaźbieražeńnie, a takija pakazčyki, jak materyjałajomistaść, jomistaść VUP, — «znachodziacca ŭ cieniu». «Zadača deputackaha korpusa ŭ vybarčych akruhach — sačyć, jak buduć raspracoŭvacca dakumienty dla vykanańnia dyrektyvy i jak miery dyrektyvy buduć realizoŭvacca na praktycy», — skazaŭ V.Popoŭ.
Parłamientaryj zaznačyŭ, što adnoj ź mier pa vykanańni pałažeńniaŭ dyrektyvy źjaŭlajecca pierachod na miascovyja vidy paliva. Pry hetym jon padkreśliŭ: «Deputaty pavinny być padrychtavanyja da toj krytyki, jakaja ŭžo źjaŭlajecca na staronkach presy, asabliva apazicyjnaj, ab tym, što miascovyja vidy paliva nie buduć bolš tannymi, čym pakupnyja». Miascovyja vidy paliva nabyvajucca za «našy srodki, jakija kožny pracoŭny kalektyŭ moža znajści», skazaŭ deputat. Kali b vykarystańnie droŭ, piłavińnia i torfu nie było vyhadnym, dyk, naprykład, Šviecyja nie pajšła b pa takim šlachu, a nabyvała naftu, haz i inšyja krynicy enierhii, upeŭnieny jon.
«Nie pavinna składvacca ŭražańnie, što prezident i ŭsie my budziem zaklikać narod da viartańnia ŭ piačorny viek, da łučyny, — skazaŭ V.Papoŭ. — Heta novyja technałohii, jakija dazvolać adnosnuju ekanomiju na pradukcyju, što vyrablajecca».
V.Papoŭ źviarnuŭ ŭvahu na tuju akaličnaść, što pryblizna 50% VUP idzie na ekspart. «Enierhaźbieražeńnie — heta pytańnie kankurentazdolnaści, — padkreśliŭ parłamientaryj. — My pavinny vyrablać jakasnuju pradukciu, jakuju my mahli b realizavać biez strataŭ dla pradpryjemstvaŭ».
