Ab hetym paviedamiŭ ministr pramysłovaści Anatol Rusiecki na pasiadžeńni Prezidyuma Saŭmina, jakoje prajšło pad staršynstvam premjer‑ministra Biełarusi Siarhieja Sidorskaha. Tut abmiarkoŭvałasia prahrama raźvićcia aŭtamabilnaj pramysłovaści Biełarusi na 2007‑2010 hady.
Pavodle słoŭ Anatola Rusieckaha, takoje zadańnie praduhledžana ŭ prajekcie padrychtavanaj Minpramam prahramy.
Da 2010 hoda buduć stvorany mahutnaści dla vypusku jak minimum 51 tys. aŭtamabilaŭ. Ź ich na Minskim aŭtamabilnym zavodzie budzie vyrablacca nie mienš jak 31 tys. štuk. Akramia taho, prahramaj praduhledžany vypusk 1 tys. aŭtakranaŭ u hod na «Mahiloŭtransmašy» z vykarystańniem šasi MAZa. Budzie dziejničać vytvorčaść aŭtobusaŭ čatyroch kłasaŭ — vialikich, siarednich pasažyrskich, mižharodnich, aeradromnych. Na MAZie pavinna vypuskacca praz try hady nie mienš jak 2,5 tys. aŭtobusaŭ u hod. Akramia taho, ich vytvorčaść budzie vieścisia na doślednym zavodzie «Nioman» (Lida) i na Homielskim aŭtaramontnym zavodzie.
Praduhledžany taksama vypusk šyrokaj hamy śpiecyjalnaj techniki (ščepkavozy, vajennyja mašyny), a taksama pryčapnoj techniki.
