Pakul u Biełarusi dyskutujuć, kamu płacić abo nie płacić za prajezd — dakładniej, dyskutavali b, kali b było ź kim dyskutavać — u horadzie Türi, (Estonija), i Whidbey Island (štat Vašynhton u ZŠA), daŭno vyrašyli, što praściej zvolnić usich kantraloraŭ i zabycca pra bilety ŭvohule. Tam prajezd biaspłatny dla ŭsich, i sacyjalistyčnyja stereatypy i mary ni pry čym. Naprykład, u Vašynhtonie sistema paśpiachova pracuje ŭžo 20 hadoŭ.
Pavodle mera Ńju‑Jorka Blumbierha, parycca takimi pytańniami ŭvohule nia varta: za ŭsio pavinnyja płacić tyja, chto prynosiać haradam najbolšuju škodu, heta značyć aŭtamabilisty. Pa jaho słovach, publičny transpart musić być biaspłatny, a za ŭjezd na aŭto ŭ horad treba ŭviaści płatu.
Kali padumać, to lohika na baku hetaj (amal marksisckaj, na pieršy pohlad) teoryi. Vykidy aŭtamabilnych hazaŭ u miescach najbolšaj kancentracyi ludziej, traŭmy ad avaryj, vializnyja vydatki na paliva — ŭsio hetyja prablemy patrabujuć vyrašeńnia. Tym časam, publičny transpart (zaŭsiody stratny) nie akupajecca navat z padniaćciem koštaŭ na bilety. Dyk čamu treba prymušać ludziej płacić dadatkova za publičny servis, jaki tak ci inakš fundujecca ź biudžeta? (Darečy, z padniaćciem koštaŭ na prajezd, naprykład, u Kanadzie, kolkaść pasažyraŭ źmienšyłasia, i mietro stała jašče bolš stratnym.) Što dumajecie?
Voś śpis miescaŭ, dzie transpart biaspłatny (prapanuju tudy pasłać na stažyroŭku sp. Piatkievič):
- Staten Island, NY;
- Chapel Hill, North Carolina;
- Vail, Colorado;
- Logan and Cache Valley, Utah;
- Clemson, South Carolina;
- Commerce, California;
- Châteauroux, Vitré, and Compiègne, France;
- Hasselt, Belgium;
- Lubben, Germany;
- Mariehamn, Finland;
- Nova Gorica, Slovenia;
- Türi, Estonia;
- Övertorneå, Sweden.
