 |
Deputaty Jeŭraparłamienta vyrašyli zabaranić vykarystańnie i prodaž na terytoryi Jeŭrasajuza nieelektryčnych pryboraŭ, jakija źmiaščajuć rtuć.
Zabarona datyčycca tolki novych pryboraŭ. Termomietry, baromietry i prybory dla vymiareńnia cisku, jakija ŭžo vykarystoŭvajucca, pa-raniejšamu možna ramantavać abo pierapradavać.
Akramia taho, niekatoryja prybory, jakija źmiaščajuć rtuć, možna budzie impartavać ź inšych krain, adnak tolki ŭ tym vypadku, kali ich uzrost pieravyšaje 50 hadoŭ. Pavodle mierkavańnia čalca pramysłovaj kamisii ES, hetaja zabarona pavinna skaracić štohadovy vypusk rtuci na 33 tony.
Vytvorcam dadziena dva hady dla taho, kab pierajści na novuju technałohiju, što vyklučaje ŭžyvańnie rtuci pry vyrabie termomietraŭ, baromietraŭ, navihacyjnych pryład.
