U siońniašnim numary napaŭdziaržaŭnaj haziety «Viečiernij Hrodno» napisana nastupnaje: «A vot starinnych bordiurov s klejmom hrodnienskoho mahistrata v istoričieskom cientrie my užie nie uvidim. Oni pieriedany po opisi dla povtornoho ispolzovanija i v kačiestvie «beušnoho» matieriała v žiłyje mikrorajony».
Infarmacyja atrymana ad Alaksandr Archipava, načalnika adździeła ŽKH i dobraŭparadkavańnia administracyi Leninskaha rajona Hrodna.
Hrodzienski filijał ruchu «Za svabodu» źviarnuŭsia da jaho pa kamientaryj. Alaksandr Archipaŭ paviedamiŭ, što na siońniašni momant plity znachodziacca na bazie «Remaŭtador». Spadar Archipaŭ adznačyŭ, što rašeńnie nie viartać unikalnyja plity pryniataje tamu, što «plity nie ŭjaŭlajuć histaryčnaj vartaści i jany pakołatyja».
Budaŭniki, jakija viaduć ramontnyja raboty na vulicy Savieckaj, dzie da niadaŭniaha času lažali staradaŭnija plity, vykarčoŭvali ich ekskavatarami (vidavočna, heta i jość pryčyna ich «pakołataści»). Heta zafiksavana fota‑ i videazdymkaj. Akramia taho, navukoŭcaŭ i hramadskaść horadu, jakija cikavilisia losam plitaŭ, budaŭniki i ŭłady zapeŭnili, što plity ŭ toj ci inšaj forie buduć viernutyja na miesca.