Siońnia baranavicki moładzievy aktyvist Jarasłaŭ Hryščenia prachodziŭ psychaneŭralahičnuju ekspertyzu ŭ miascovym dyspansery.

Jarasłava pryviali ŭ asobny pakoj, dzie znachodzilisia dva psichijatary (prynamsi, tak jany adrekamendavalisia), a taksama śledčaja Julija Askaldovič, advakata nie puścili.

Chłopca pasadzili na kresła pasiarod kabinetu i pačali zadavać roznyja pytańni, što tyčać jahonaj bijahrafii, baćkoŭ, apazycyjnaj dziejnaści. Pytalisia, ci nia ličyć jon svaju dziejnaść biessensoŭnaj, a taksama, čaho dabiŭsia ŭ svaim žyćci i kim jon jość ciapier. Paśla chłopca pačali pierakonvać, što ŭsia jahonaje dziejnaść — heta hłupstva.

Jarasłaŭ kaža, što ekspertyza dla jaho skončyłasia stanoŭča, daktary pryznali, što jon psichična zdarovy.

Nahadajem, što ŭ dačynieńni da Jarasłava Hryščeni zaviedziena kryminalnaja sprava pa artykule 193 KK «Dziejnaść ad imia niezarehistravanaj arhanizacyi». U hety paniadziełak śledčaja Askaldovič padoŭžyła raśśledavańnie spravy jašče na dva miesiacy.

Źmicier Pankaviec

Клас
0
Панылы сорам
0
Ха-ха
0
Ого
0
Сумна
0
Абуральна
0