 Andrej Kuniec |
Śpiecyjalny pryz i dypłom łaŭreata — uładalnika pieršaj premii žury ŭručyła Ataru Andryjadzie z Hruzii. Druhoj premii ŭdastojeny Erniest Dziarabin z Ukrainy i Aryna Daronina z Rasii. A treciaje miesca dastałasia Kiki z Bośnii i Hiercahaviny.
Zhodna z Pałažeńniem ab dziciačym muzyčnym konkursie ŭładalnik Hran‑pry akramia śpiecyjalnaha pryza i dypłoma atrymlivaje ček na $5 tys., hrašovaja ŭznaharoda za pieršaje miesca składaje $3 tys., za druhoje — $2 tys., za treciaje — $1 tys.
Akramia taho, śpiecyjalnyja pryzy Parłamienckaha schodu Sajuznaj dziaržavy — ličbavyja fotaaparaty — uručany ŭdzielnikam konkursu «Viciebsk‑2007» biełarusu Andreju Kuncu i rasijancy Arynie Daroninaj. Padarunki ad Pastajannaha kamiteta Sajuznaj dziaržavy atrymali Chryścina Śviatličnaja ź Biełarusi i Leŭ Sapryhin z Rasii.
Žury sioletniaha konkursu zasnavała svoj pryz simpatyj i ŭručyła jaho Nojusu Bartašku ź Litvy. Dypłoma Mižnarodnaj fiederacyi fiestyvalnych arhanizacyj (FIDOF) udastojeny samy juny ŭdzielnik konkursu Kyłyšbiek Žaksybiekaŭ z Kazachstana.
U piesiennym spabornictvie pryniali ŭdzieł 22 junyja vykanaŭcy z 19 krain. Ciapier usie kankursanty, a taksama ich starejšyja kalehi — zorki rasijskaj i biełaruskaj estrady i łaŭreaty dziciačych muzyčnych konkursaŭ minułych hadoŭ vystupajuć na śviatočynym hała‑kancercie «Vasilkovaja kraina» ŭ Letnim amfiteatry.
