 |
Z 11 da 22 lipienia ŭ berlinskim mastackim centry «Tacheles» adbudziecca festyval niezaležnaha biełaruskaha mastactva «Dach 5». U jaho ramkach projdzie persanalnaja vystava Alaksandra Rodzina, muzyčnyja vystupy biełaruskich elektronnych prajektaŭ — Nadin Katrin, Planet N, Kein, I Me Mine vs. Shkvarka dy inšych. U ramkach festyvalu adbuducca performansy i litaraturnyja čytańni.
Za niekalki chvilinaŭ da pačatku festyvalu my źviazalisia z adnym z arhanizataraŭ festu ź biełaruskaha boku Uładzisłavam Bubnom.
Bubien: Pieršy raz my prezentujem biełaruskija elektronnyja hurty. Heta budzie nia tolki vystava, heta buduć vystupy avanhardnych hurtoŭ, jakija robiać muzyku ŭ roznych stylach i ŭ roznych napramkach sučasnaj elektronnaj muzyki. Taksama buduć siabry ź Niamieččyny — siem ci vosiem hurtoŭ, pryčym nia tolki z Berlinu, ale i ź inšych miescaŭ. Razam my budziem rabić tvorčyja «kalabaracyi», a moža i niejkija zapisy. Arhanizataram źjaŭlajecca Aleś Rodzin, jaki ładzić vystavu. Taksama dapamahaje artchaŭz «Tacheles», jaki daŭ pamiaškańnie. Praciahvacca akcyja budzie dva tydni i za hety čas budzie šmat vystupaŭ. Pryjechali i viadomyja niamieckija pradusary.
