Perspektyva zakryćcia navisła nad čarhovaj hramadzkaj arhanizacyjaj – Mienskim haradzkim hramadzkim abjadnańniem «Centar Supolnaść». Sud pryznačany na piatnicu, 13 lipienia.
Staršynia Rady arhanizacyi Siarhiej Mackievič atrymaŭ ź Mienskaha haradzkoha sudu kopiju iskavaj zajavy haradzkoha ŭpraŭleńnia justycyi, jakoje patrabuje pryniać rašeńnie ab likvidacyi «Centru Supolnaść». Pavodle načalnika ŭpraŭleńnia justycyi Mikałaja Zialonki, jaki padpisaŭ zajavu, arhanizacyja nie adkazvała na listy j papiaredžańni, mieła ŭ składzie Rady čałavieka, nie prapisanaha ŭ Miensku, i «na protiažienii dlitielnoho vriemieni ... osuŝiestvlajet diejstvija, śviazannyje s učastijem v diejatielnosti niezariehistrirovannych obŝiestviennych orhanizacij – Assambleja niepravitielstviennych diemokratičieskich orhanizacij».
Siarhiej Mackievič ličyć: «Sapraŭdnym matyvam jość nie farmalnaja adsutnaść adkazaŭ na listy, jakija my papraŭdzie nie atrymlivali, a kirunak na likvidacyju ŭsich demakratyčnych arhanizacyjaŭ i cisk suprać ichnych aktyvistaŭ».
«Centar Supolnaść» zasnavany ŭ 1995 hodzie z metaju spryjać raźvićciu hramadzianskaj supolnaści ŭ našaj krainie. Siarod zasnavalnikaŭ – takija hramadzka-kulturnyja j palityčnyja dziejačy, jak Vincuk Viačorka, Aleś Bialacki, Hienadź Sahanovič i inšyja. Arhanizacyja praviała mnostva aśvietnych, navukovych, maładziovych, kulturnickich prahramaŭ, a taksama ŭdzielničała ŭ vyłučeńni naziralnikaŭ padčas vybarčych kampanijaŭ, paviedamiŭ pravaabarončy centr «Viasna».
