Pieramožcam pieršaha adrezku pieršynstva staŭ barysaŭski BATE. Kamanda z horadu nad Biarezinaj pieramahła ŭ aŭtorak «Miensk» — 1:0. Chacia matč z aŭtsajderam skłaŭsia dla barysaŭcaŭ nia vielmi lohka. Adziny miač u siaredzinie druhoha tajmu zabiŭ Višniakoŭ.
Na druhoje miesca vyjšaŭ MTZ‑RIPA. Mienčuki, dziakujučy dublu Arcioma Kancavoha, dosyć upeŭniena pieramahli «Tarpeda» — 2:0.
U centralnym matčy turu «Homiel» na rodnym stadyjonie pierajhraŭ «Nioman» — 2:0. Abodva hały na rachunku najlepšaha snajpera pieršynstva Ramana Vasiluka, ciapier jon maje 17 hałoŭ. Praŭda, kažuć, što ŭ mižkruhovoj paŭzie jon źjedzie hulać va Ŭkrainu, u adeski «Čarnamorac».
Darečy, supiernik adesitaŭ u Kubku Intertota salihorski «Šachcior» ŭ sieradu ŭ ciažkaj baraćbie pierajhraŭ bieraściejskaje «Dynama» — 3:2.
Astatnija matčy turu prynieśli nastupnyja vyniki: «Dynama» (Miensk) — «Viciebsk» 0:0, «Naftan» — «Daryda» 1:1, «Dniapro» — «Smurhoni» 0:0.
Turnirnaja tablica paśla trynaccaci turaŭ vyhladaje nastupnym čynam: BATE — 33 punky, MTZ‑RIPA — 25, «Homiel» — 24, «Nioman» — 23, «Tarpeda» — 20, «Šachcior» — 18, «Dynama» (Miensk) — 16, «Smurhoni» — 15, «Viciebsk» — 14, «Naftan», «Dynama» (Bieraście) — pa 13, «Dniapro» — 11, «Daryda» — 9, «Miensk» — 8.
Najlepšy bambardzir Raman Vasiluk («Homiel») — 17 hałoŭ.