Piłotny prajekt stvareńnia zavoda pa vykarystańniu i pierapracoŭcy bytavych adchodaŭ abmiarkoŭvaŭsia 12 lipienia na naradzie ŭ prezidenta Biełarusi Alaksandra Łukašenki. Ab hetym karespandentu BIEŁTA paviedamili ŭ pres-słužbie kiraŭnika dziaržavy.
Heta pytańnie maje vyklučna važnaje značeńnie jak z punktu hledžańnia ekałohii, tak i enierhietyki. U Biełarusi prymajucca miery pa maksimalnaj ekanomii paliŭna-enierhietyčnych resursaŭ i efiektyŭnamu prymianieńniu alternatyŭnych krynic enierhii. Bytavyja adchody mohuć paśpiachova vykarystoŭvacca dla vyrabu druhasnaj syraviny, vypracoŭki elektraenierhii i ciepłavoj enierhii. Takaja praktyka isnuje ŭ mnohich krainach.
Kiraŭniku dziaržavy byŭ pradstaŭleny piłotny prajekt, jaki płanujecca realizavać u Breście. Na ciapierašnim etapie razhladajecca mahčymaść vykarystańnia samych sučasnych technałohij, što prymianiajucca ŭ Zachodniaj Jeŭropie. Adnak u vypadku, kali biełaruskamu boku buduć pradstaŭleny lepšyja varyjanty, nie vyklučana, što moža być vykarystany vopyt i inšych krain.
Alaksandr Łukašenka padkreśliŭ: hałoŭnyja patrabavańni pry raspracoŭcy i ažyćciaŭleńni prajekta - heta ekanamičnyja pakazčyki, košt i nadziejnaść abstalavańnia, efiektyŭnaja i rentabielnaja rabota takoha pradpryjemstva.
Prezident daručyŭ pryniać miery dla źmianšeńnia koštu budaŭnictva abjekta. Jak čakajecca, takija pradpryjemstvy ź ciaham času źjaviacca va ŭsich abłasnych centrach i ŭ stalicy. Alaksandr Łukašenka ŭkazaŭ na nieabchodnaść vyvučyć pytańnie arhanizacyi ŭ dalejšym u Biełarusi sieryjnaj vytvorčaści abstalavańnia, jakoje budzie prymianiacca na zavodach pa vykarystańniu i pierapracoŭcy bytavych adchodaŭ.
Na naradzie razhledžana mahčymaść maksimalnaha pryciahnieńnia zamiežnych inviestycyj dla realizacyi prajekta.
U bližejšy čas z ulikam zaŭvah prezidenta pieršy piłotny prajekt budzie prapracavany i pradstaŭleny kiraŭniku dziaržavy na razhlad.
