 Toj samy dom |
165 młn. dalaraŭ kaštuje samy darahi dom u ZŠA. Jaho vystavali na prodaž u Beverli Chiłz, Kalifornija
U hetym zbudavanym u vyhladzie litary N domie, pakrytym ružovym alebastram, azdoblenym pad marmur, žyŭ niekali presavy mahnat Rendałf Cherst razam z žonkaj — aktorkaj Meryan Dejvis. Pavodle «Los Angeles Times», u im jość usio, čaho moža patrabavać miljarder — 29 pakojaŭ, try basejny, tenisny kort i navat kino.
Ciapierašni ŭładalnik Leanard Ros nabyŭ dom u 1976 hodzie. Ciapier jon jaho pradaje, bo — jak tłumačyć — chacieŭ by źmianić ład žyćcia. Na praciahu apošnich dvuch hod tolki šeść damoŭ u ZŠA byli pradadzienyja za košt, jaki pieravyšaje $100 młn. Adnak nivodny ź ich nie dasiahnuŭ sumy $165 młn.
