 |
‑ Ja lepš pačuvajusia ŭ buibui, bo vyhladaju ŭ im hodnaj pašany. Taksama heta dazvalaje paźbiehnuć zatrymańnia palicyjaj. Mnie treba niejak zarablać na žyćcio — kaža adna z prastytutak, jakuju sustreli ŭnačy na vulicy.
Inšaja śćviardžaje, što nosić buibui, kab utaić, kim jość. — Ja viedaju, što hrašu, ale mianie da hetaha prymušajuć — dadaje jana.
Jana taksama kaža, što bolšaść jaje klijentaŭ — heta žychary Mambasy, nie turysty. Dziakujučy buibui jany lepš mohuć raspaznać žančynaŭ z hetaha rehijonu.
Musulmanki aburanyja
Relihijnyja musulmanki aburajucca, što prastytutki apranajuć vopratku, pryznačanuju dla ich. — Buibui straciła svoj prestyž. Mnie tak soramna, što časam chaču źniać i vykinuć jaje — kaža Maryjam Salma, žycharka horadu.
Niekatoryja musulmanki śćviardžajuć, što bolšaść prastytutak nie pachodziać z Mambasy. — Heta navat nie musulmanki. Bolšaść pryjechała z Samali i Efiopii. Jany nosiać našyja stroi, kab paźbiehnuć prynižeńnia — ličyć Aša Chusejn.
Relihijnyja lidery cisnuć na palitykaŭ
Musulmanski stroj nia tolki dazvalaje prastytutkam źlivacca z natoŭpam inšych žančynaŭ — dziakujučy čornym buibui jany taksama mienš zaŭvažnyja na vulicach nočču. Dziakujučy hetamu palicyi ciažej ich zatrymlivać.
Prastytutki nie ŭpieršyniu ŭžyvajuć hety metad. U 90‑ia hh. jany rabili hetaksama, adnak dziejačy relihijnych arhanizacyjaŭ złavili i publična adchvastali ich. Ciapier musulmanskija kiraŭniki taksama cisnuć na ŭrad, kab toj zaniaŭsia hetaj spravaj. — My nia možam zatrymać hetych žančynaŭ, za heta adkazvaje ŭrad — kaža imam Šejch Muchamad Kalifa — Sumna, što palityki absalutna ihnarujuć hetuju prablemu.
Na jaho dumku, sytuacyja robicca niebiaśpiečnaj, bo šmat jakich žančyn mohuć być vypadkova paličyć prastytutkami.
