Ciapier u futbolnych asiarodkach «adnoj šostaj častki» sušy idzie aktyŭnaje abmierkavańnie mahčymaha pieršynstva SND. Z padobnaj inicyjatyvaj vystupiŭ picierski «Zienit».
Navat užo zasnavany arhkamitet virtualnaha pieršynstva, jaho ŭznačaliŭ słavuty futbalist i trenier Valeryj Hazajeŭ. Jon adznačyŭ, što zacikaŭlenaść u takim čempijanacie majuć rasijskija, ukrainskija, biełaruskija, armianskija i kazachskija kłuby.
Pakul inicyjatyvu strymlivaje toj fakt, što ŭ Lihu čempijonaŭ z novaŭtvareńnia zmohuć traplać tolki kamandy pa vyznačanaj kvocie, a nie ad kožnaj krainy, jak jość ciapier. Prynamsi, pra heta skazaŭ bos jeŭrapiejskaha futboła Mišel Płacini.
Absalutna vidavočna, kali čempijanat SND startuje, to ź Biełarusi ŭ Supierlizie, ci jak tam turnir budzie nazyvacca, zmoža hulać tolki barysaŭski BATE.Prychilniki postsavieckaha pieršynstva nastojvajuć na tym, što hetkim čynam barysaŭcy na praciahu hoda buduć mieć pajadynki z mocnymi supiernikami, a nie tolki šeść hulniaŭ u jeŭrakubkach vosieńniu.
Razam z tym, paraŭnoŭvać siłu i mahčymaści BATE i rasijskich ci ŭkrainskich kamand, absalutna niedarečna.
Naprykład, biudžet maskoŭskaha CSKA składaje 51,4 miljona dalaraŭ. Jasna, što hrošy časam vyrašajuć nie ŭsio. Toj ža CSKA letaś u Lizie Jeŭropy sastupiŭ ścipłamu šviedskamu AIKu. Heta pry tym, što maskoŭcy majuć u svaim składzie dvuch hulcoŭ zbornaj Šviecyi Elma i Viernbłuma. AIK takich zorak sabie dazvolić nie moža.
A jość ža jašče machačkalinski «Anžy». Uładalnik kłuba kalijny mahnat Sulejman Kierymaŭ uvohule nie škaduje nijakich hrošaj, zavablivajučy na Kaŭkaz hulcoŭ suśvietnaha ŭzroŭniu — Rabierta Karłas, Eto'o, Dyjara. Biudžet dahiestancaŭ — 180 miljonaŭ dalaraŭ.Rasijski futboł apošnija hady — heta nie tolki bitva stratehij i taktyk, ale i zmahańnie kašalkoŭ.
Kali vieryć haziecie «Priessboł», to biudžet BATE na 2012 hod składaje ŭsiaho 6,5 miljony dalaraŭ. Heta ŭ 27 razoŭ mieniej, čym u «Anžy».
Va Ukrainie situacyja padobnaja da rasijskaj. Kijeŭskaje «Dynama» maje na hod 90 miljonaŭ dalaraŭ. Daniecki «Šachcior» Rynata Achmietava taksama nie mieniej.Vidavočna, što siarod takich taŭstasumaŭ BATE advodzicca rola «biednaha svajaka». Chaj i ŭžo davoli viadomaha ŭ Jeŭropie. Nie biarom u raźlik asłableńnie nacyjanalnaha pieršynstva. Padumajem, ci budzie sens ad aŭtsajdarskaha stanovišča biełaruskaha lidara ŭ čempijanacie SND? Vielmi sumnieŭna.
Žurnalist haziety «Priessboł» vystupiŭ ź inšaj inicyjatyvaj «čempijanatu VKŁ». Prapanavaŭ biełarusam pravodzić sumiesny čempijanat z krainami Bałtyi — Litvoj, Łatvijaj i Estonijaj.
Mahčyma, niekatoryja zaraz abvinavaciać aŭtara ŭ zališniaj samaŭpeŭnienaści, ale na moj pohlad čempijanaty nazvanych krain sastupajuć pa svajoj sile biełaruskamu pieršynstvu. Takoje abjadnańnie było b chutčej vyhadna jakraz litoŭcam, łatyšam i estoncam, a nie biełarusam.Za vyniatkam adno-dvuch kamandaŭ u bałtyjskich pieršynstvach, astatnija kłuby mała roźniacca ad umoŭnaj babrujskaj «Biełšynaj». Kamu cikavy čempijanat, dzie takich «Biełšyn» budzie štuk 10? Nikomu. Nie vierycie, pahladzicie na naviedvalnaść našaha pieršynstva.
Kali ŭžo abjadnoŭvacca, to tut cikaviej vyhladaŭ by varyjant z čempijanatami troch inšych słavianskich krain — Polščy, Čechii i Słavakii. Nazaviem jaho «Čempijanat Siaredniaj Jeŭropy».Tak, čempijanaty Polščy i Čechii, vidavočna, krychu macniejšyja za naš, ale nie nastolki rezka, kab biełarusy vyhladali ŭ abjadnanym pieršynstvie statystami.
Zirniem na rejtynhi UEFA, jakija zarablajuć kłuby dla krainy padčas jeŭrakubkaŭ. Roźnica zusim nievialikaja. Čechi na siońnia zajmajuć vasiamnaccaty radok, palaki —
Umoŭna abaznačym, što dla abjadnanaha pieršynstva patrebna pa 4 kamandy z kožnaj krainy. Voźmiem kvartet najmacniejšych kłubaŭ apošnich pieršynstvaŭ. Atrymlivajecca 16 kamand. Paŭnavartasnaje pieršynstvo. Adkažycie, kamu było niecikava takoje vidovišča?
Paraŭnajem taksama biudžety kłubaŭ.
Jak bačym na hrafiku, BATE majeDarečy, jak i «Šachcior» (Biełaruskaja kalijnaja kampanija) z «Dynama» (Juryj Čyž). Pry ŭdałych abstavinach u takim čempijanacie barysaŭcy b zmahalisia za miedali, a salihorcy i minčuki — byli b u siaredzinie tablicy.6-y biudžet siarod kłubaŭ lihi. Chacia vidavočna, što 6,5 miljonaŭ — heta biudžetekanom-kłasa . I BATE moža dazvolić sabie bolšy.
Vydatki na čempijanat Siaredniaj Jeŭropy ŭsio ž byli b nieparaŭnalna mienšymi za pieršynstvo SND.
Viadoma, što heta prosta fantazii. I naŭrad ci taki prajekt moža niekali być ažyćcioŭleny. U futbole, u adroźnieńnie ad chakieja ci handboła, praktyka abjadnanych turniraŭ ci pieršynstvaŭ nie raspaŭsiudžanaja.
U lubym razie, treba praciahvać macavać unutrany čempijanat, a nie maryć, što pieršynstvo SND, VKŁ ci Siaredniaj Jeŭropy vyrašyć usie našy prablemy.
