25 sakavika 2008 h. Antanina Pivanos vyrašyła zrabić padarunak apazicyjanieru Barysu Chamajdu
— pryniesła jamu vyšyvanku sa słovami malitvy «Ojča naš». Vyšytyja čyrvonymi nitkami na biełaj tkaninie, hetyja słovy milicyjanty rascanili jak płakat apazicyjnaha źmiestu.
I Antanina Pivanos była pakaranaja štrafam u pamiery dźvie bazavyja vieličyni nibyta za ŭdzieł u niesankcyjanavanym pikiecie.

Incydent adbyŭsia ŭ Dzień Voli kala tak zvanaha Siniaha doma, dzie spadar Chamajda raspaŭsiudžvaŭ niezaležnuju presu. U toj samy dzień adbyŭsia praces u Čyhunačnym rajsudzie, dzie spadarynia Antanina sprabavała pierakanać sudździu,

što na ŭručeńnie padarunku, chaj sabie i ŭ hramadskim miescy, nie patrebnaja sankcyja ŭładaŭ.
Tym nie mienš, sud skončyŭsia štrafam dla aktyvistki i kanfiskacyjaj «kramolnaj» vyšyvanki. Abskardzić hetaje rašeńnie nie ŭdałosia ni ŭ Viciebskim abłasnym, ni ŭ Viarchoŭnym sudzie…
Paśla zvarotu Antaniny Pivanos u Kamitet pa pravach čałavieka AAN prajšło bolš za 4 hady, ale rašeńnie aktyvistka atrymała stanoŭčaje.
Zhodna ź im, u dačynieńni da spadaryni Pivanos byŭ parušany artykuł 19 Mižnarodnaha paktu ab hramadzianskich i palityčnych pravach. Pavodle častka 2 hetaha artykułu, hramadzianie dziaržaŭ — udzielnic Pakta, siarod jakich jość i Biełaruś, majuć prava na volnaje vykazvańnie svaich dumak. Mienavita hetaje prava žycharki Viciebsku było niezakonnym čynam parušana.
Pavodle rašeńnia Kamiteta, biełaruskija ŭłady abaviazanyja vypłacić kampiensacyju, pakryć paniesienyja aktyvistkaj vydatki i viarnuć kanfiskavanuju majomaść.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?